• សិក្សាគោលការណ៍-នីតិវិធីជ្រើសរើស ឱ្យបានច្បាស់លាស់ល្អិតល្អន់ ដើម្បីចាត់ចែងការងារជ្រើសរើសឱ្យបានត្រឹមត្រូវតាមដំណាក់កាលនិមួយៗ ចាប់ពីដំណើរការជ្រើសរើស ការផ្សព្វផ្សាយ ការទទួលពាក្យ ការសំភាសន៍ រហូតដល់ការចុះកិច្ចសន្យាការងារ។
• រៀបចំផែនការធនធានមនុស្ស និងរៀបចំយុទ្ធសាស្ត្រជ្រើសរើស ការប្រកាស ផ្សព្វផ្សាយ។
• រៀបចំ ត្រួតពិនិត្យបញ្ជីសម្រាំង ឯកសារផ្សេងៗទាក់ទងនឹងការជ្រើសរើសទាំងខាងក្នុង ខាងក្រៅពីបេក្ខភាពរហូតដល់ចុះកិច្ចសន្យាជាបុគ្គលិកក្នុងការសាកល្បង។
• សំភាសន៍ធនធានមនុស្សគ្រឹះស្ថាន និងបុត្រសម្ព័ន្ធ១២១ផែនក-ខ-គ។
• រៀបចំរបាយការណ៍ជ្រើសរើសទាំងក្នុងគ្រឹះស្ថាន បុត្រ សម្ព័ន្ធជូនថ្នាក់គ្រប់គ្រង។
• បង្កើតការទាក់ទាញបុគ្គលិកមានសមត្ថភាព បង្កើតយុទ្ធសាស្ត្រទាក់ទាញ និងជ្រើសរើសបុគ្គលិកមានសមត្ថភាព និងអ្នកមានជំនាញច្បាស់លាស់។

ការងារជ្រើសរើសធនធានមនុស្ស (សម្រាប់បេក្ខជនខាងក្រៅ)៖

• រៀបចំ និងត្រួតពិនិត្យ ដំណើរការជ្រើសរើសដោយការផ្សព្វផ្សាយតាមនីតិវិធី និងការណែនាំរបស់អ្នកគ្រប់គ្រង ដោយសហការជាមួយផ្នែកIT ។ការជ្រើសរើសត្រូវតាមមុខតំណែង ដែលមាននៅក្នុងផែនការ។
• ស្រាវជ្រាវរិះរកវិធីជ្រើសរើស ដោយសហការទៅគ្រប់បណ្តាញជ្រើសរើស ធានា និងទទួលខុសត្រូវធ្វើយ៉ាងណាឱ្យមានធនធានមនុស្សគ្រប់គ្រាន់តាមផែនការដែលបានសម្រេចហើយ។
• ពិនិត្យ និងរៀបចំតួនាទី អភិវឌ្ឍបន្ថែមឱ្យទាន់សម័យការអនុវត្តការងារជានិច្ច។
• រៀបចំ និង ត្រួតពិនិត្យបញ្ជីឈ្មោះបេក្ខជនដាក់ពាក្យ បញ្ជូនទៅអ្នកគ្រប់គ្រង។
• ឆ្លើយតបនឹងសំណួរដែលបេក្ខជនមានចម្ងល់ ទាំងផ្ទាល់ និង តាមទូរស័ព្ទ ឬ on line។
• រៀបចំ និងត្រួតពិនិត្យបញ្ជីសម្រាំងឈ្មោះបេក្ខជន បញ្ជូនទៅថ្នាក់មានសមត្ថកិច្ចដើម្បីសម្រេច។
• ត្រួតពិនិត្យការធ្វើកាលវិភាគដើម្បីណាត់សម្ភាសន៍។
• រៀបចំសំណួរ-ចម្លើយសម្រាប់ការសំភាសន៍តាមតួនាទីនិមួយៗ វិវត្តន៍ឱ្យទាន់សម័យ ដោយទំនាក់ទំនងទៅនាយកដ្ឋាន-ការិយាល័យពាក់ព័ន្ធ ធ្វើយ៉ាងណាឱ្យមានប្រសិទ្ធភាព។
• ត្រួតពិនិត្យឯកសារសម្រាប់សម្ភាសន៍ និងទីកន្លែងសម្ភាសន៍ ។
• ត្រួតពិនិត្យការ រៀបចំការសម្ភាសន៍តាមទូរស័ព្ទ ឬតាមហ្សូម ឬតាមមធ្យោបាយផ្សេងទៀត ករណីបេក្ខជនដែលនៅតាមសាខាឆ្ងាយៗ ពិបាកក្នុងការធ្វើដំណើរ ។
• រៀបចំ និងត្រួតពិនិត្យបញ្ជីឈ្មោះបេក្ខជនដែលជាប់ការប្រឡង បញ្ជូនឱ្យថ្នាក់មានសមត្ថកិច្ច។
• ត្រួតពិនិត្យការរៀបចំធ្វើលិខិតប្រគល់ការងារ(Job Offer) និងណាត់បេក្ខភាពដែលត្រូវប្រគល់លិខិត (បេក្ខភាពនៅសាខាឆ្ងាយជម្រាបលោកនាយកសាខាឱ្យប្រគល់ជំនួស និងត្រូវបញ្ជូនច្បាប់ដើមត្រឡប់មកវីញ)។
• ត្រួតពិនិត្យ និងតាមដានការចុះពិនិត្យដល់ផ្ទះ សម្រាប់បេក្ខជន-បេក្ខនារីនៅតាមសាខា លោកនាយកសាខា ជាអ្នកចាត់ចែងចុះតាមដានសាវតារ និងជួបដល់លំនៅដ្ឋាន។
• ត្រួតពិនិត្យ ការរៀបចំចងក្រងទុកដាក់ឯកសារ ធ្វើជារបាយការណ៍ សម្រាប់តាមដាន បេក្ខជនដាក់ពាក្យសរុប បេក្ខជនបានជាប់បញ្ជីសម្រាំង បេក្ខជនដែលមិនជាប់បញ្ជីសម្រាំង, បេក្ខជនជាប់ការធ្វើតេស្តដោយបញ្ជាក់ពីទីកន្លែងដែលត្រូវធ្វើការងារ ពីមុខងារដែលជាប់, បេក្ខជនដែលជាប់ហើយតែបោះបង់ បញ្ជាក់ពីមូលហេតុ បេក្ខជនមិនជាប់ឬអវត្តមាន ឬសុំពន្យាពេល។ល។ ឱ្យបានត្រឹមត្រូវ គ្រប់គ្រាន់ ទាន់ពេល តាមនិតិវិធី។
• ធ្វើកិច្ចការផ្សេងទៀតទាក់ទង នឹងការជ្រើសរើសឱ្យដំណើរការរលូន និងទាន់ពេលវេលា។
• រៀបចំ បញ្ជូនឈ្មោះបេក្ខជនត្រូវហ្វឹកហ្វឺនឱ្យទៅផ្នែកពាក់ព័ន្ធធ្វើការបន្ត។
• សិក្សាពីគោលការណ៍ហ្វឹកហ្វឺនឱ្យបានច្បាស់លាស់ដើម្បីរៀបចំមនុស្សដែលបានជ្រើសរើសរួចបានឆ្លងកាត់ការហ្វឹកហ្វឺនតាមដំណាក់កាលនិមួយៗដោយត្រឹមត្រូវ។
• ត្រួតពិនិត្យការរៀបចំឯកសារបេក្ខជន ដែលត្រូវចុះកិច្ចសន្យា ប្រគល់ជូនទៅផ្នែករៀបចំប្រាក់បៀវត្ស ដោយសហការផ្តល់ព័ត៌មានយ៉ាងត្រឹមត្រូវ ។

ការងារជ្រើសរើសធនធានមនុស្ស (សម្រាប់បេក្ខជនខាងក្នុង)៖

• រៀបចំការប្រកាសជ្រើសរើសតាមមុខតំណែងដែលអ្នកគ្រប់គ្រងត្រូវការ។
• ត្រួតពិនិត្យ ការបញ្ជូនបញ្ជីសម្រាំងឈ្មោះបុគ្គលិកនិងណាត់ពេលជួបសម្ភាសន៍តាមកាលវិភា ដែលអ្នកគ្រប់គ្រងដាក់ឱ្យ។
• ត្រួតពិនិត្យការរៀបចំលិខិតតែងតាំង និងតម្រង់ទិសតាមមុខតំណែងថ្មី(ចំពោះបុគ្គលិកដែលជាប់)
• ត្រួតពិនិត្យការរៀបចំទីកន្លែង និងឯកសារសម្រាប់ហ្វឹកហ្វឺន ឱ្យបានគ្រប់គ្រាន់(ប្រសិនបើមានតម្រូវការ) ។
• ត្រួតពិនិត្យការរៀបចំសំភារៈតាមមុខតំណែងបុគ្គលិកថ្មី និងប្រគល់ជូនទៅផ្នែករៀបចំប្រាក់បៀវត្ស ដោយសហការផ្តល់ព័ត៌មានយ៉ាងត្រឹមត្រូវ ។

ការងារទុកដាក់ឯកសារ និងរបាយការណ៍ ៖

• ត្រួតពិនិត្យការទុកដាក់គ្រប់ឯកសារទាំងអស់តាំងពីដំបូងរਹូតដល់បញ្ចប់ត្រូវរក្សាទុកឱ្យបានត្រឹមត្រូវ គ្រប់គ្រាន់ ទាន់ពេល តាមនិតិវិធី។
• ត្រួតពិនិត្យការធ្វើរបាយការណ៍ ការបញ្ចូលទិន្នន័យ ទៅក្នុងផែនការធនធានមនុស្សតាមនាយកដ្ឋាន និងសាខា ឱ្យបានត្រឹមត្រូវ គ្រប់គ្រាន់ ទាន់ពេល។
• រៀបចំរបាយការណ៍ជ្រើសរើសប្រចាំថ្ងៃ ប្រចាំសប្តាហ៍ ប្រចាំខែបញ្ជូនទៅអ្នកគ្រប់គ្រង។
• ជួយនាយក-នាយិកាការិយាល័យធ្វើផែនការធនធានមនុស្សសម្រាប់ឆ្នាំបន្ទាប់ ដោយផ្ទៀងផ្ទាត់ធនធានពីឆ្នាំមុន ។សិក្សាផែនការធនធានមនុស្សពីនាយកដ្ឋាន ការិយាល័យ សាខា ប្រៀបធៀបការរីកចម្រើនរបស់ក្រុមហ៊ុន និងរៀបចំការជ្រើសរើសឱ្យទាន់តាមតម្រូវការ។
• ធ្វើកិច្ចការផ្សេងទៀតតាមការវិវឌ្ឍន៍របស់គ្រឹះស្ថាននិងតាមការចាត់តាំងរបស់អ្នកគ្រប់គ្រងផ្ទាល់ឬថ្នាក់មានសមត្ថកិច្ចក្នុងក្របខ័ណ្ឌការងាររបស់គ្រឹះស្ថាន ។